Plaid Cymru Ceredigion Eich cynrychiolwyr yng Ngheredigion

Gallai 68% o gartrefi fod mewn tlodi tanwydd o fis Ebrill os na fydd y Canghellor yn oedi’r codiad arfaethedig. 

Mae Ben Lake AS, llefarydd Plaid Cymru ar y Trysorlys wedi ysgrifennu at y Canghellor, Jeremy Hunt AS, yn ei rybuddio am y “canlyniadau dinistriol i deuluoedd ar draws Cymru” os na fydd y codiad sylweddol arfaethedig i gostau ynni cartref yn cael ei ohirio. 

Mae cyhoeddiad yr Adolygiad Ffyrdd gan Lee Waters AS ddoe yn y Senedd yn cynnig agwedd newydd tuag at fuddsoddi mewn ffyrdd yng Ngheredigion. 

Ar ddydd Gwener 10 Chwefror, fel rhan o ymgyrch #GwleddYGwanwyn #BlossomWatch yr Ymddiriedolaeth Genedlaethol, plannwyd coeden a hynny er mwyn ymrwymo i ddarparu cyfleoedd i bobl gysylltu â natur, prydferthwch a hanes, ble bynnag y maen nhw yng Nghymru.

Fel rhan o’r ymgyrch, mae’r elusen gadwraeth yn gweithio gydag Aelodau Seneddol ac Aelodau Senedd ar draws Cymru yn plannu coed blodau mewn lleoliadau o’u dewis o fewn eu hetholaeth neu ranbarth – gan helpu i ddatblygu mannau blodeuog sy'n parchu lleoliad lleol, ysbryd lle a dod â phobl a natur at ei gilydd.

Mae gwleidyddion Plaid Cymru wedi annog Llywodraeth Cymru i warchod y Cynllun Brys ar gyfer y Sector Bysiau sy’n gymhorthdal pwysig ar gyfer nifer o wasanaethau bws gwledig Ceredigion. 

Heddiw diolchodd y grŵp ymgyrchu, Power for People, i Ben Lake, AS lleol Ceredigion, am gefnogi cyfraith newydd arfaethedig gyda'r nod o helpu cynlluniau ynni cymunedol, sydd heb weld braidd dim twf yn ystod y blynyddoedd diwethaf.

Mae ynni cymunedol – ynni adnewyddadwy sy'n cael ei gynhyrchu gan brosiectau dan berchnogaeth a rheolaeth y gymuned - yn cyfrif am lai na 0.5% o gapasiti gynhyrchu trydan y DU i gyd. Yn ôl y Pwyllgor Archwilio Amgylcheddol Seneddol, gallai'r sector dyfu 12-20 gwaith erbyn 2030 gyda chefnogaeth y Llywodraeth, gan bweru 2.2 miliwn o gartrefi ac arbed 2.5 miliwn tunnell o allyriadau CO2 yn flynyddol.

Mae Ben Lake AS ynghyd â'r elusen cydraddoldeb anabledd Scope a 40 o ASau Trawsbleidiol ac Arglwyddi wedi ysgrifennu at y Canghellor heddiw yn galw am fwy o gymorth gyda chostau byw.

Mae'r llythyr, sydd wedi derbyn cefnogaeth gan gynrychiolwyr o'r holl brif bleidiau ar draws y Senedd, yn galw ar Lywodraeth San Steffan i gyflwyno tariff cymdeithasol a dwyn ymlaen daliadau costau byw’r gaeaf hwn. Mae ASau a’r Arglwyddi wedi ymuno gyda'i gilydd i anfon neges glir i'r Canghellor, mae angen mwy o gymorth wrth y Llywodraeth ar bobl anabl yng Ngheredigion.

Mae Elin Jones AS a Ben Lake AS wedi mynegi eu pryderon am y gostyngiadau yng ngwasanaethau bysiau gwledig ledled Ceredigion a gyhoeddwyd yn ddiweddar ac wedi galw ar Lywodraeth Cymru, yr awdurdod lleol a gweithredwyr bysiau masnachol i gydweithio i ddod o hyd ffyrdd i gynnal gwasanaethau bws yn y cyfnod hwn o gyllidebau llai.

Does dim lle i oedi pellach cyn gwneud taliadau sydd wedi’u haddo ers Medi 2022, meddai Ben Lake AS

Mae llefarydd Plaid Cymru ar y Trysorlys ac AS Ceredigion, Ben Lake, wedi dweud heddiw (dydd Iau 26 Ionawr) ei bod yn "hollol afresymol" bod aelwydydd gwledig yn dal i aros am gymorth biliau ynni a addawyd ers Medi 2022.

Yn ôl ystadegau Llywodraeth y DU, Ceredigion yw'r awdurdod lleol sydd fwyaf dibynnol ar danwyddau amgen, fel olew gwresogi ac LPG, ar dir mawr Prydain - sef 74 y cant.

Mae Cymru wedi colli £1.1bn mewn cymhariaeth â nawdd yr UE a gwariant y pen llywodraeth leol wedi gostwng 9.4% dros ddegawd – Plaid Cymru.

Mae llefarydd Plaid Cymru y Trysorlys, Ben Lake AS wedi beirniadu methodoleg Llywdraeth y DU ar ddyranu nawdd drwy gynllun Y Gronfa Ffyniant Bro, gan ei ddisgrifio yn “fympwyol ac ad-hoc”.

Mae Ceredigion, etholaeth Mr Lake, ymysg 11 awdurdod lleol Cymreig sydd heb dderbyn nawdd fel rhan o gyhoeddiad heddiw, er bod ardaloedd cyfoethocach fel Richmond yn Swydd Efrog, etholaeth Rishi Sunak, wedi derbyn nawdd.

Mae Ben Lake AS wedi galw ar Lywodraeth y DU i gyflwyno ail gylch o gyllid ychwanegol er mwyn darparu cefnogaeth i adeiladau sydd heb eu cysylltu â’r rhwydwaith cenedlaethol cyn y gaeaf nesaf.

Mae Llywodraeth y DU wedi cyhoeddu bydd y gefnogaeth ar gyfer cartrefi a busnesau sydd â chysylltiad â’r rhwydwaith yn cael ei ymestyn am flwyddyn arall, er ar gyfradd is, ond ymddengys bod disgwyl i’r un taliad ar gyfer cartrefi sydd heb eu cysylltu â’r grid cenedlaethol barhau am y 18 mis llawn.

Mae’r Canghellor Jeremy Hunt wedi cyhoeddi y bydd y Gwarant Pris Ynni yn cael ei ymestyn hyd 2024. O Ebrill 2023, bydd cost ynni blynyddol cartref nodweddiadol yn codi i £3,000; amcan arbediad o £500 o’i gymharu â chap pris disgwyliedig Ofgem. Does dim cefnogaeth gyfwerth ar gyfer adeiladau sydd heb eu cysylltu â’r grid.