Plaid Cymru Ceredigion Eich cynrychiolwyr yng Ngheredigion

Mae ymgeisydd lleol Plaid Cymru yng Ngheredigion Elin Jones wedi ymuno ag arweinydd y Blaid Leanne Wood i gyfarfod ag aelodau o Trawslink Cymru, yr ymgyrch i ail-sefydlu cysylltiadau rheilffordd rhwng y gogledd a'r de yng Nghymru.

Mae ymrwymiad i fwrw ymlaen ag astudiaeth ddichonoldeb lawn ar ailagor y rheilffordd o Aberystwyth i Dregaron, Llanbedr Pont Steffan a Chaerfyrddin yn ymddangos ym maniffesto Plaid Cymru ar gyfer etholiadau Cymru ar 5 Mai, fel rhan o ymrwymiad ehangach i ledaenu buddsoddiad mewn trafnidiaeth ledled Cymru gyfan.

Mae’r adroddiadau fod y gwasanaeth Parcio a Theithio sy’n gwasanaethu’r Ysbyty yn bryder. Mae hi wedi dod yn syndod i’r bobl sy’n ddefnyddwyr rheolaidd o’r gwasanaeth.

Medd Elin Jones; "Rwy’n gwybod am nifer o bobl sy’n dibynnu ar y gwasanaeth hwn er mwyn mynd at ddrws flaen Bronglais oherwydd fod parcio mor anodd yn ardal Penglais a Ffordd Caradog. Mae nifer o bobl leol yn ei ddefnyddio hefyd i diethio o gwmpas y dre, ac rhaid gwneud yn siwr fod gwasanaethau yn cwrdd a’u hanghenion. Rhaid cymryd hyn oll i ystyriaeth cyn gwneud penderfyniad terfynol.

"Dylai’r holl sefydliadau, yn enwedig y Bwrdd Iechyd a’r Cyngor, sicrhau fod gwasanaeth effeithiol i Ysbyty Bronglais. Dylid ymgynghoru’n llawn ar ddyfodol y bysiau, ac mae’n bwysig fod gwasanaeth sy’n cwrdd ag anghenion ymwelwyr a chleifion yn parhau."

Mae AC Plaid Cymru Ceredigion Elin Jones wedi defnyddio’r ddadl ddiwethaf y Cynulliad Cenedlaethol presennol i amlinellu'r mesurau brys sydd eu hangen i fynd i'r afael â’r diffyg meddygon teulu yng nghefn gwlad Cymru.

Ar ddydd Iau, 24 Mawrth, ymwelodd y Gweinidog Iechyd a Cheredigion er mwyn lansio dwy brosiect bwysig.

Yn y bore, ym Mhrifysgol Aberystwyth, lansiwyd y Ganolfan Ragoriaeth ym Meddyginidaeth Wledig, a fydd yn helpu grwp cydweithredol y canolbarth i adeiladu perthynas gyda chyrff proffesiynol ac ymchwilwyr arbenigol wrth gynllunio dyfodol ein NHS. Yn y prynhawn, aeth y Gweinidog i Dregaron i lansio prosiect Cylch Caron, fydd yn dod a sawl gwasanaeth ynghyd - ysbyty, gofal cynradd, llety a nifer o gyfleusterau eraill o fewn un adeilad modern.

Ymunodd AC Plaid Cymru Ceredigion Elin Jones â myfyrwyr o Aberystwyth a phrifysgolion eraill i orchfygu'r rhan o 'safonau iaith' arfaethedig Llywodraeth Cymru ar y defnydd o'r Gymraeg mewn cyrff cyhoeddus.

Cafodd y safonau fel ag y maent yn berthnasol i brifysgolion eu beirniadu'n helaeth gan undebau myfyrwyr ac ymgyrchwyr iaith. Yr ofn oedd y gallent wanhau’r hawliau y mae myfyrwyr yn eu mwynhau ar hyn o bryd yn Aberystwyth ac mewn mannau eraill i fyw mewn neuaddau Cymraeg dynodedig. Roedd hefyd pryderon fod y safonau yn methu sôn am y ddarpariaeth o wersi Cymraeg ar gyfer dysgwyr, neu gymorth TG yn yr iaith.

Mae Elin Jones wedi rhoi ei chefnogaeth i ymgyrch Chymdeithas Alzheimers dros fargen deg i bobl gyda dementia, wrth i ffigurau ddatgelu fod tua 1,217 o bobl yng Ngheredigion yn dioddef o'r cyflwr. Mae'r AC wedi cwrdd gyda chynrychiolwyr o'r Gymdeithas Alzheimers i drafod eu hymgyrch '45000 rheswm' dros strategaeth ddementia gynhwysfawr i Gymru.

Mae gan Blaid Cymru gynlluniau pendant i gael gwared ar daliadau gofal cymdeithasol i bobl sydd a dementia.

Mae prosiect arloesol 'Clwb Ni' wedi ymweld â'r Cynulliad Cenedlaethol. Meddai Elin Jones "Roeddwn yn hynod falch o groesawu'r prosiect hwn, lle mae plant a'r henoed gyda'i gilydd i rannu profiadau, i'r Senedd". Mae prosiect 'Clwb Ni' yn bartneriaeth rhwng Tai Ceredigion ac Ysgol Plascrug.

Mae Elin Jones wedi trafod yr ymgyrch yn erbyn symud Swyddfa Bost Aberystwyth o'i leoliad presennol ar y Stryd Fawr yn sesiynau cwestiynau'r Prif Weinidog yn y cynulliad yr wythnos hon. Cliciwch isod i weld beth oedd ei ymateb:

https://www.youtube.com/watch?v=YqYHzgXab0c

Mae cais Rhyddid Gwybodaeth gan Blaid Cymru wedi datgelu y cafodd 174,996 o driniaethau eu canslo mewn ysbytai yng Nghymru yn ystod 2013-14, 2014-15, a chwe mis cynta 2015-16. Mae hyn yn gyfartaledd o 1,346 triniaeth yn cael eu canslo bob wythnos.

Mae'r broblem yn pwysleisio'r angen am fesurau i gynyddu'r nifer o nyrsys a meddygon sy'n cael eu recriwtio, fel y rhai a gyhoeddwyd gan Elin Jones.

Mae Elin Jones wedi galw am drafodaethau ynglŷn â dyfodol swyddfa ddidoli y Post Brenhinol yn Nhregaron.

Mae’r Swyddfa Bost yn y dref i fod i symud o’i leoliad presennol i’r siop Spar, sydd ar y sgwâr. Fodd bynnag, mae cangen y Swyddfa Bost presennol hefyd yn gartref i swyddfa ddidoli ac yn fan codi parseli, ac nid oes unrhyw wybodaeth wedi dod i law ynghylch sut y bydd hyn yn cael ei effeithio gan y newid.