Plaid Cymru Ceredigion Eich cynrychiolwyr yng Ngheredigion

Cefndir

Yn ei amser sbâr, mae Keith yn mwynhau beicio a cherdded o amgylch y filltir sgwâr. Mae e yn ymwneud â’r mudiadau yma:

• Is-gadeirydd Llywodraethwyr Ysgol Gyfun Aberaeron
• Hyfforddwr a Thrysorydd Adran Iau Clwb Rygbi Aberaeron 
• Trysorydd menter lwyddiannus yn Nyffryn Aeron i brynu'r tafarn y Vale
• Cyn-actor ar raglen Bontlwyd, Radio Ceredigion

Pam pleidleisio dros Keith?

"Dwi'n sefyll ar ran Plaid Cymru yn ward Llansanffraid er mwyn gwneud gwahaniaeth yn y gymuned. 

Yn wreiddiol o bentre’ Cribyn, dwi’n byw gyda’r teulu ym mhentref Nebo ers 2003. Dwi’n credu’n gryf yn yr ethos o gael byw yn yr ardaloedd gwledig o’n dewis. Fe hoffen weld ein cymunedau’n siapio eu dyfodol eu hunain, a hoffwn weithio gyda chi i wireddu syniadau newydd fydd yn gwella’r ardal a’r gymdeithas leol.

Ar ôl gweithio yn y sector preifat, cyhoeddus a’r trydydd sector, dwi’n credu bod gen i’r profiad i wneud gwahaniaeth i chi, yr etholwyr yn y plwyf. Yn gyn-rheolwr banc gyda changen leol NatWest; cyn-bennaeth gwasanaethau masnachol Coleg Ceredigion. Erbyn hyn dwi’n ceisio gwneud gwahaniaeth i’n cymunedau gwledig yn fy swydd fel Hwylusydd Tai Gwledig. Mae’r profiad o gydweithio gyda’r sector cyhoeddus, yn fy rôl fel Cadeirydd Cynnal y Cardi ac Cadeirydd Fforwm Llywodraethwyr Ceredigion, wedi rhoi profiadau amhrisiadwy i mi."

Blaenoriaethau Keith

• Sicrhau cyfleoedd i fusnesau lleol ddatblygu a thyfu
• Cefnogi ein mudiadau lleol i ailgynnau bwrlwm bro
• Gwella gwasanaethau casglu sbwriel ac ailgylchu’r ardal 
• Datblygu prosiectau lleol yn ein pentrefi sy’n gwella golwg y strydoedd ac yn cryfhau’r deimlad o berthyn 
• Cryfhau’r cyswllt rhwng pentrefi Llan-non, Llansanffraid, Pennant, Nebo, Penuwch a  Bethania
• Gwasgu ar adrannau’r priffyrdd i wella safon ein ffyrdd cefn
• Darparu cefnogaeth i’n pobol ifanc gael aros yng nghefn gwlad
• Helpu cymunedau ar hyd y sir i ddatblygu pwyntiau gwefru ceir trydan
• Cydweithio gyda chynghorwyr eraill i wasgu ar Lywodraeth Cymru i wella system gynllunio'r ardal, ynghyd â gwella ein Cynllun Datblygu Lleol 
• Helpu i gynnal cymunedau cymdogol sy’n llefydd saff i fyw