Cefndir
"Fel un o drigolion ward Teifi fy hun, dwi’n gyfarwydd a nodweddion yr ardal. Mae cynllun amddiffyn anneddau ar lan yr afon Teifi rhag lifogydd yn flaenoriaeth. Fel cynghorydd profiadol eisteddaf ar sawl corff sy’n ymdrechu i wella bywydau unigolion trwy gefnogi cyfleusterau, busnesau ac isadeiledd y dref."
Pam pleidleisio dros Catrin?
"Ers 2008 dwi’n cynrychioli ward Teifi ar Gyngor Sir Ceredigion a Chyngor Tref Aberteifi. Ers 2017 dwi hefyd yn aelod Cabinet gyda chyfrifoldeb am Ysgolion, Dysgu Gydol Oes & Sgiliau, Cymorth ac Ymyrraeth. Bu’n anrhydedd cynrychioli Aberteifi fel Maer y dref, 2011-13 a dwi’n frwd dros yr ardal a’i phobol. Mae nifer o heriau difrifol yn wynebu pawb y dyddie yma a dwi’n awyddus i barhau gyda’r gwaith pwysig o fod yn eiriolwr gweithgar ac yn lais cryf, gonest a brwdfrydig dros drigolion ward Teifi am y 5 mlynedd i ddod."
Blaenoriaethau Catrin
"Un o flaenoriaethau ein cymdeithas yw addysg: mae’n gwireddi potensial plant, pobl ifanc ac unigolion o bob oedran, yn agor drysau a’u harwain at fywydau cyflawn. Dwi’n falch i gefnogi 2 ysgol y dref fel llywodraethwr, i gydlynnu Partneriaeth Canol Tref Aberteifi, cyfrannu at brosiect datblygu’r Pwll Nofio a nifer fawr o sefydliadau lleol.
Braint oedd eistedd ar grwp llywio wnaeth sicrhau bod Canolfan Iechyd newydd sbon yn Aberteifi a ganddo gyfleusterau “unfed ganrif ar hugain”.
Yn ystod y 2 flynedd heriol dan gysgod Covid, roedd fy ffocws yn gryf ar ddiogelu gwasanaeth di-dor i’n plant a phobl ifanc mewn addysg, sicrhau bod ein trigolion bregus yn derbyn bob cymorth yn ystod y cyfnod clo a bod ein busnesau annibynnol yn goroesi.
Gofynnaf am y cyfle i barhau â’r gwaith pwysig o gynrychioli ward Teifi ar y 5ed o Fai."
| Manylion cyswllt |
| [email protected] |
| 01239 613637 |
Dangos 1 ymateb